Op zondág 15 jannewari zién jeugdpreens Devy I (Zeelen) en jeugdprinses Femke II (Heldens) oêtgekome ás heersers ovver de Vlaskopjeugd. Zeej zulle ondersteund waere door eur adjudanten Juul Alards en Meike Christiaens. Devy giët noa ’t Yuverta college en is in zien vreejetiêd actief beej de crossclub. Femke giët noa ’t Dendron college en korfbalt beej SV Melderslo.
Ás liëfspreuk hebbe zeej gekoaze:
D’n toereteller giët de komende waeke ovver de kop,
Met de jeugd achter os aan goan weej veurop!
Op 5 fibberwari zulle zeej, same met de neeje jeugdvorstin Maud Driessen, receptie halde vanaf 14:11 oor in ’t MFC!
